Силуанов 2024 елда россиялеләрнең уртача пенсия күләмен атады
Скопировать ссылку
2024 елда пенсиянең уртача күләме аена 23 мең сумнан артыграк тәшкил итәчәк. Бу хакта Федерация советында чыгыш ясаганда Россия Финанс министрлыгы башлыгы Антон Силуанов сөйләде.
«Киләсе елда пенсияләр агымдагы елда фаразланган инфляция дәрәҗәсенә индексацияләнәчәк, бу — 7,5 процент, һәм мондый пенсиянең уртача күләме 23 мең 244 сум тәшкил итә», — дип министр сүзләреннән цитата китерә РИА Новости.
Аның мәгълүматларына караганда, киләсе елда пенсия түләүгә чыгымнар 600 млрд сумга якын тәшкил итәчәк.
Исегезгә төшерәбез, 2023 елның май ахырында Россия Президенты Владимир Путин кайбер пенсияләрне гаризасыз билгеләү турында законны имзалады.