Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Сидней татар мирасы ассоциациясе Нәүрүз бәйрәменә концерт куйды
Яңа Көньяк Уэльс (Сидней) татар мирасы ассоциациясе Powerhouse музеенда Австралиядә яшәүчеләр өчен концерт куйды. Ул төрки халыкларның Нәүрүз бәйрәменә багышланган иде. Бу хакта Бөтендөнья татар конгрессының матбугат хезмәте хәбәр итә.
Анда Лилия Сәмигуллина «Татар мәдәниятендә Нәүрүз бәйрәменең әһәмияте» темасына презентация тәкъдим итте, София һәм Рәфис Гариповлар «Ай, былбылым» татар җырын башкарды, Земфирә Шабаева һәм Лиза Хәмитова Габдулла Тукайның «Туган авыл» шигырен укыды, ә Русана Хәмидуллина «Әпипә» җырына биеде.
«Чыгыштан соң без башка халыклар вәкилләреннән бик күп уңай бәяләмә алдык, аларның мәдәниятебез һәм гореф-гадәтләребез белән кызыксынуын күрдек. Һәм, әлбәттә, без бәйрәмгә килгән ватандашларны һәм якташларны күрүебезгә шатландык. Бу Австралиядә яшәүчеләрне татар мәдәнияте, иҗаты һәм тарихы белән таныштыру өчен бик зур мөмкинлек булды», - дип сөйләде Яңа Көньяк Уэльс (Сидней) татар мирасы ассоциациясе рәисе Лилия Сәмигуллина.
«Безгә шулай ук башка халыкларның гореф-гадәтләре белән танышу кызык булды. Без иран, уйгур, әфган, казах һәм башка халыкларның чыгышларын да карадык», - диде ул.
Кызыклы яңалыкларны күзәтеп бару өчен Телеграм-каналга язылыгыз