Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Сибай башкорт драма театры Флорид Бүләков әсәре буенча премьера әзерли
Спектакль катлаулы язмышлы дүрт дус кыз турында бара.
(Казан, 25 гыйнвар, «Татар-информ»). Арслан Мөбәрәков исемендәге Сибай дәүләт башкорт драма театры Флорид Бүләковның «Эх, күгәрченкәйләрем» пьесасы буенча спектакль әзерли.
Премьера 7-8 февральгә планлаштырылган. Танылган башкорт драматургы, Башкортстан халык язучысының лирик комедиясе күп тапкыр Россиянең төрле шәһәрләрендә куелды. Бу турыда театрның матбугат хезмәтенә сылтама белән «Башинформ» хәбәр итте.
«Күңелне җилкендерә торган, гади спектакль катлаулы язмышлы дүрт дус кыз турында бара. Аларның яшисе һәм яратасы килә, ә үзләрен үткәннәр турында истәлекләр белән генә юанасы килми. Ә менә кияү килеп чыккач, өстәвенә, үз өе белән дә, сорау туа: кемгә эләгә соң ул? Әсәрдә кузгатылган тема теләсә кайсы буын өчен актуаль», — диелә хәбәрдә.
Спектакльнең режиссер-куючысы — Башкортстанның халык артисты Азат Надыргулов, режиссер — Денис Нургалин, рәссам-куючы — Россиянең һәм Калмыкиянең атказанган сәнгать эшлеклесе Валерий Яшкулов, композитор — Башкортстанның атказанган сәнгать эшлеклесе Илшат Яхин, балетмейстер — Фәйрүзә Сәлимгәрәева.
Рольләрне Башкортстанның халык артистлары Зифа Баязитова, Нурзия Габдрәшитова, Риф Сәйфуллин, Башкортстанның атказанган артистлары Әлфирә Йосыпова һәм Айгөл Хәкимова башкара, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз