«Татарстан гүзәле» бәйгесендә җиңгән алты кыз «Мисс Россия»дә катнашачак
«Безнең республиканың алты иң матур кызы „Мисс Россия“ дә катнашыр дип көтәләр», — дип сөйләде «Мисс Татарстан 2022» титулына ия булган Анна Артамонова.
(Казан, 1 февраль, «Татар-информ», Эльза Кузнецова). Пандемия аркасында «Татарстан гүзәле» конкурсының алты җиңүчесе әлегә «Мисс Россия» Бөтенроссия конкурсында катнашмады.
«Безнең республиканың алты иң матур кызы „Мисс Россия“ дә катнашыр дип көтәләр», — дип сөйләде «Мисс Татарстан 2022» титулына ия булган Анна Артамонова. Ул журналистлар белән матбугат конференциясендә киләчәктә Бөтенроссия конкурсына әзерлек турында сөйләде.
Анна Артамонова билгеләп үткәнчә, конкурска әзерлек көн саен бара. «Әзерлек ул — даими үсеш, сәламәт яшәү рәвеше, спорт белән шөгыльләнү, шуңа күрә мин менә хәзер конкурска әзерләнәм дип әйтеп булмый. Әзерлек ул — конкурсларда җиңүләргә китерә торган яшәү рәвеше», — дип билгеләп үтте Артамонова.
Ралина Әхмәдуллина, үз чиратында, әлегә үзен модель итеп күрүе турында сөйләде, әмма киләчәктә җитәкче булырга планлаштыра, чөнки хәзер Казан федераль университетында менеджмент кафедрасында белем ала.
ТР атказанган мәдәният хезмәткәре, алып баручы, Константин Хабенскийның «АртХаб» арт-резиденциясе президенты Михаил Волконадский сүзләренчә, кастингка килгән «Мисс Россия» конкурсы директоры нәкъ менә шушы кызларны — «Татарстан гүзәле» Анна Артамонова һәм «Мисс Казан» Ралина Әхмәдуллинаны билгеләп үткән.