«ШАЯН ТВ» каналында «Сәйлән» фестиваленең өченче сезоны башлана
Меңнәрчә гариза арасыннан барлыгы 24 катнашучы сайлап алынды, ди оештыручылар.
Скопировать ссылку
(Казан, 29 сентябрь, «Татар-информ»). «ШАЯН ТВ» каналы тамашачыларын «Сәйлән» фестиваленең яңа чыгарылышларын карарга чакыра. Бу хакта оештыручылар хәбәр итә.
«Ел дәвамында республикабызның иң талантлы балалары телевизион этапка эләгү бәхете өчен көрәштеләр. Меңнәрчә гариза арасыннан барлыгы 24 катнашучы сайлап алынды. Аларны бүгеннән үк җиңүчеләр дип атарга мөмкин, әмма алар өчен „Сәйлән“ дип аталган серле юл әле башлана гына әле», - ди оештыручылар.
«Сәйлән» фестиваленең яңа чыгарылышлары һәр якшәмбе «ШАЯН ТВ» каналында була.