Shanu музыкаль төркеме «Taran var» дебют альбомын тәкъдим итә

Скопировать ссылку

Shanu музыкаль төркеме «Taran var» дебют альбомының презентациясен 17 апрельдә Милли китапханәнең конференц-залында уздырачак. Башлана - 19:00 сәгатьтә.

“Кичәнең махсус кунагы — Россиянең танылган этно-музыканты Сергей Клевенский”, - дип хәбәр итә оештыручылар.

«Taran var» альбомы бу елның февраль аенда Yummy Music лейблы аша дөнья күргән. Альбом 2020-2021 елларда яздырылган 8 җырдан тора. Альбомга яңача яңгырашта чуаш халык җырлары һәм төркем үзе иҗат иткән композицияләр кергән.

Shanu төркеме этно-джаз һәм джазның башка төрләренә караган юнәлешләрдә иҗат итә. Ул 2020 елда Музыкаль инициативалар институты шоукейсына сайлап алынган ун төркемнең берсе.
2021 елда төркем «Selime» синглын чыгарды, соңрак әлеге композициягә клип төшерде.
Shanu — Tat Cult Fest, Skazka, Идел буе халыклары фестивале (Казан), Эктоника (Ижевск) һәм Ural Music Night (Екатеринбург) кебек фестивальләрнең катнашучысы.
Альбомны яздыруда Вера Кожеманова (вокал), Дима Лысов (клавишалар, аранжировка, музыка), Андей Казанцев (барабан, аранжировка), Арслан Сәйфи (скрипка), Даниель Морено (бас-гитара), Эльвира Әблиева (бас-гитара), Леонид Лабашов (яздыру, сведение, мастеринг) катнашкан. Альбом «Татнефть» Хәйрия фонды ярдәме белән яздырылган.

Сәхифәләр

Shanu музыкаль төркеме «Taran var» дебют альбомын тәкъдим итә