Шамил Идиатуллинның «Бывшая Ленина» китабын бер ай буе түләүсез онлайн укырга мөмкин
Роман «Большая книга-2020» әдәби премиясе финалына чыкты.
(Казан, 2 ноябрь, «Татар-информ»). Шамил Идиатуллинның «Бывшая Ленина» китабын бер ай дәвамында түләүсез онлайн укырга мөмкин. «Большая книга-2020» әдәби премиясе финалына чыгучы әсәрләргә укучылар тавыш бирүе башланды.
«Большая книга-2020» әдәби премиясе финалына быел унөч китап чыкты. Традиция буенча китапларны экспертлар бәяли. Шулай ук, китаплар түләүсез кереп уку мөмкинлеге булган сайтка куелып, укучылар тавышы да җыела.
Китапларны LiveLib сайтыннан укырга һәм теләгәне өчен тавыш бирергә мөмкин.
Чаллыда үскән һәм Казан дәүләт университетында укыган татар язучы Шамил Идиатуллин «Большая книга» әдәби премиясендә «Город Брежнев» романы белән катнашып лауреат булган иде.