Спорт 29 гыйнвар 2019 20:01

Шахмат буенча дөнья чемпионы Владимир Крамник карьерасын тәмамлый

Ул гыйнварда Tata Steel Chess Tournament турнирда соңгы - ундүртенче урынны алган.

Скопировать ссылку

(Казан, 29 гыйнвар, “Татар-информ”). 2000 елдан 2006 елга кадәр классик шахмат буенча дөнья чемпионы, шахмат буенча ундүртенче дөнья чемпионы Владимир Крамник профессиональ карьерасын тәмамлады. Бу турыда Голландиянең дәрәҗәле Tata Steel Chess Tournament турниры матбугат хезмәтенә сылтама белән "Интерфакс" агентлыгы хәбәр итә.

"Элеккеге дөнья чемпионы Владимир Крамник профессиональ шахматчы карьерасын тәмамлау турында игълан итте”, - диелгән хәбәрдә.

Спортчы сүзләренчә, ул бу карарны берничә ай элек кабул иткән. Соңгы турнирын уйнагач, бу хакта киң җәмәгатьчелеккә игълан итәргә булган.

Ул гыйнварда Tata Steel Chess Tournament турнирда соңгы - ундүртенче урынны алган.

Россия спортчысы Владимир Крамник 2013 елда Дөнья кубогы иясе булды.

#шахмат #владимир крамник

Сәхифәләр

Шахмат буенча дөнья чемпионы Владимир Крамник карьерасын тәмамлый