Татар дөньясы 12 февраль 2017 18:19

Шагыйрь чиновник була алмый - Сибгат Хәким турында улы Рафаил Хәкимов

Рафаил Хәкимов язучылар берлеге рәисе итеп сайланмас өчен шагыйрьнең Ессентукига качып киткән очрагы да булуын сөйләде.

Скопировать ссылку

(Казан, 12 февраль, "Татар-информ", Лилия Локманова). "Әтине Язучылар берлеге рәисе итеп куярга бик каты тырыштылар. Обком шактый басым ясады, фатир, төрле мактаулы исемнәр бирәбез, дип вәгъдә иттеләр. Әти бармады. Шагыйрь чиновник була алмый, анда китсәң, шагыйрьлекне югалтасың диде". Сибгать Хәким хакындагы әлеге сүзләрне бүген "Яңа гасыр" телеканалында бара торган "Ком сәгате" тапшыруында тарихчы, Татарстан Фәннәр академиясенең Ш. Мәрҗани исемендәге тарих институты директоры Рафаил Хәкимов җиткерде.

"Язучыларның бер съезды вакытында ул Ессентукига качты. Съездда бердәнбер булмау очрагы шуның белән бәйле",- диде шагыйрьнең улы Рафаил Хәкимов.

"Әтинең шәүләсе гел минем артта булды. Булдырасыңмы-юкмы икән, дип гел сынап карыйлар. Бу бер яктан авырлык та, икенче яктан бер ни эшләтеп тә булмый. Әти дәрәҗәсенә менеп булмас инде...", - диде ул тапшырудагы әңгәмәдә.

#Рафаил Хәкимов #Сибгат Хәким #Ком сәгате

Сәхифәләр

Шагыйрь чиновник була алмый - Сибгат Хәким турында улы Рафаил Хәкимов