Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Шәймиев Путинга Россия Президентының фамилиясе күрсәтелгән хәйриячеләр китабын бүләк иткән
12 февральдә Владимир Путин торак шартларын яхшырту буенча РФ Дәүләт Советы президиумының киңәйтелгән утырышында катнашу өчен Татарстанга килеп китте.
(Казан, 14 февраль, «Татар-информ», Виктория Елфимова). Республиканың беренче Президенты, Татарстанның Дәүләт киңәшчесе Минтимер Шәймиев дәүләт башлыгы Владимир Путин һәм Татарстан Президенты Рөстәм Миңнеханов очрашуында Владимир Владимировичка хәйриячеләр китабы тапшырды. Казан Кремленең рәсми вәкиле Лилия Галимова Хөкүмәт йортында узган брифингта шул хакта хәбәр итте.
«Әлеге өч яклы килешү кысаларында Минтимер Шәймиев «Яңарыш» фонды эшчәнлеге турында сөйләде һәм Владимир Путинга хәйриячеләр китабын бүләк итте. Әлеге китапка Владимир Владимирович Путинның фамилиясе дә кертелгән», - диде ул.
Шул рәвешле, РФ Президентына «Мәдәни мирас: Зөя утрау-шәһәрлеге һәм борынгы Болгар шәһәре» комплекслы проектын гамәлгә ашыруга ярдәм иткәне, дөньякүләм һәм универсаль кыйммәткә ия тарихи-мәдәни һәйкәлләрне яңадан торгызуга зур өлеш керткәне өчен рәхмәт белдерделәр, диде Галимова.
- 12 февральдә Владимир Путин торак шартларын яхшырту буенча РФ Дәүләт Советы президиумының киңәйтелгән утырышында катнашу өчен Татарстанга килеп китте. Шуннан соң ул Рөстәм Миңнеханов белән очрашты. Владимир Путин шулай ук республика үсешенә даими өлеш керткәне өчен Минтимер Шәймиевкә рәхмәт белдерде.
Кызыклы яңалыкларны күзәтеп бару өчен Телеграм-каналга язылыгыз