Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Шәймиев: Миңнехановның инаугурациясе тантаналы һәм эчкерсез булды
Республиканың беренче Президенты әлеге тантананың гомергә истә калырлык булуын билгеләп үтте.
(Казан, 21 гыйнвар, «Татар-информ», Эльза Кузнецова). ТР Дәүләт Киңәшчесе Минтимер Шәймиев 2010 елда Рөстәм Миңнехановның Татарстан Президенты вазифасына керешүе турында хатирәләре белән уртаклашты.
«Мин үз вәкаләтләремне куанып һәм бөтен халык каршында лаеклы һәм тәҗрибәле җитәкче Рөстәм Нургалиевичка тапшырдым, республиканың яңа Президенты барлык бурычларны да хәл итә алачагына ышандым. Һәм без ялгышмадык. Тормыш Рөстәм Нургалиевичның чыннан да безнең ышанычны аклавын күрсәтте», - дип белдерде Минтимер Шәймиев «Татарстан – Яңа гасыр» телеканалына биргән интервьюсында.
Республиканың беренче Президенты әлеге тантананың гомергә истә калырлык булуын билгеләп үтте.
«Минем карашымча, инаугурация тантаналы гына түгел, эчкерсез дә булды. Мин Рөстәм Миңнехановны тәбрикләп, аңа хәер-фатихамны биргәндә Габдулла Тукай шигыреннән өзек һәм Николай Карамзин сүзләрен китердем. Чыгышымны „Мы можем! Без булдырабыз!“ дигән традицион шигарь белән төгәлләдем», - диде ТР Дәүләт Киңәшчесе.
Рөстәм Миңнеханов Минтимер Шәрип улына республиканың иң югары бүләген - «Татарстан Республикасы алдындагы хезмәтләре өчен» орденын һәм чәчәк бәйләме тапшырды.
«Чәчәкне кабул итеп алгач, мин тантана тәртибен боздым – борылдым һәм залга төшеп киттем. Хәләл җефетем Сәкинә янына килеп, аңа „Кадерлем, миңа түзгәнең өчен рәхмәт“ дигән сүзләр белән чәчәк бәйләмен тапшырдым», - дип сүзен төгәлләде Минтимер Шәймиев.
Кызыклы яңалыкларны күзәтеп бару өчен Телеграм-каналга язылыгыз