Шәһәр һәм Татарстан көнен бәйрәм итү салют белән тәмамланачак
Тамаша Кремль яр буенда һәм «Казан» гаилә үзәге янында яхшы күренәчәк.
(Казан, 24 август, «Татар-информ», Вероника Ваганова). Шәһәр һәм Татарстан көнен бәйрәм итү Казансу акваториясе өстендә 300 залптан торган салют белән тәмамланачак. Бу хакта Казан мэриясендә узган эшлекле дүшәмбе вакытында шәһәр Башкарма комитетының мәдәният идарәсе башлыгы Азат Абзалов хәбәр итте.
«22:00 сәгатьтә симфоник оркестр аккомпанементы белән Казанның Мактаулы гражданины Салават Фәтхетдинов башкаруындагы „Мин яратам сине, Татарстан“ җыры яңгыраганда Казансу акваториясе өстендә шәһәр күген 300 залптан торган бәйрәм салюты бизәячәк», — диде спикер.
Пиротехника тамашасы Кремль яр буенда һәм «Казан» гаилә үзәге янында бик яхшы күренәчәк, дип өстәде Абзалов.