Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Шәһәр һәм бистәләрдәге күп катлы йорт яннарында камералар куелачак
“Күп фатирлы йортлар янында халык күпләп җыелган урыннарда куелган барлык камералардан карап булачак”, - дип белдерде Роман Шәйхетдинов
(Казан, 1 февраль, “Татар-информ”, Гөлнар Гарифуллина). 2018 елда күп фатирлы йорт яны территорияләрендә, халык күпләп җыелган урыннарда куелган барлык камералардан карап булу мөмкинлеге күздә тотыла. Бу хакта Татарстан Премьер-министры урынбасары – мәгълүматлаштыру һәм элемтә министры Роман Шәйхетдинов хәбәр итте.
“Татарстанда халык иминлеге мәсьәләләренә зур игътибар бирелә. Җәмәгать урыннарында, күп фатирлы йорт яннарында һәм гражданнар күпләп җыелган урыннарда 52 мең видеокамера куелган. Татарстан Республикасы геопорталы базасында реаль вакыт режимында камералардан карау мөмкинлеге бирә торган система эшләнгән. Бүген бу системага 23 мең видеокамера кертелгән, аларның 1600 нән реаль вакыт режимында карап була. 2018 елда күп фатирлы йорт территорияләрендә халык күпләп җыелган урыннарда куелган барлык камералардан карау мөмкинлеге ниятләнә”, - дип белдерде тармак министры.
Роман Шәйхетдинов әйтүенчә, видеомониторинг системасы үсеше концепциясе нигезендә, муниципаль берәмлекләрдә күп фатирлы йорт яны территорияләрен камералар белән җиһазлау буенча эш алып бара. Министр әлегә республикада 13 мең күп фатирлы йортның 38 проценты гына видеокамералар белән тәэмин ителгәнен әйтте. “Бу эш төрле районнарда төрлечә үткәрелә. Мисал өчен, Актаныш, Сарман районнарында бу эш инде тәмамланган”, – диде ул.
Кызыклы яңалыкларны күзәтеп бару өчен Телеграм-каналга язылыгыз