Шәле кызының гомерен саклап калу өчен авылдашлары хәйрия концерты оештыра
Гүзәл Ногманова ми яман шеше авыруы белән көрәшә.
Скопировать ссылку
(Казан, 12 декабрь, “Татар-информ”, Динә Йосыпова). Шәле авылы халкы Гүзәл Ногманованың гомерен саклап калу өчен хәйрия концерты оештыра. “Минем яшисем килә” дип аталган концерт 13 декабрь көнне Шәле авылы мәдәният йортында узачак.
Гүзәл Ногмановага 6 яшь. Ул пилоидлы астроцитома (ми яман шеше) авыруы белән көрәшә. Гүзәлгә дәваланырга ярдәм итү максатыннан оештырылган хәйрия концертының бәясе – 200 сум. Барлык җыелган акча Гүзәлнең дәвалау курсына юнәлтеләчәк.
Хәйрия сәдакасы бирергә теләүчеләр өчен сәхнәдә махсус тартма да урнаштырылачак.
Башлану: сәгать 19.00.
