news_header_top
16+
news_header_bot
news_top

Украина Кораллы көчләре һөҗүменнән соң Севастополь утсыз калган

Украина Кораллы көчләре һөҗүменнән соң Севастополь шәһәре утсыз калган. Бу хакта шәһәр губернаторы Михаил Развожаев хәбәр итте.

«Дошманның энергетика инфраструктурасына һөҗүме нәтиҗәсендә шәһәр вакытлыча утсыз калды. Дошман, безне гадәти тормыш шартларыннан мәхрүм итәргә һәм паника куптарырга тырышып, яңадан рәхимсез һөҗүм итә», - дип язган ул социаль челтәрләрдә.

Энергетика инфраструктурасы объектларында махсус режим кертелгән, ашыгыч хезмәтләр тулы әзерлектә. Белгечләр энергия белән тәэмин итүне торгызу буенча эшли инде.

«Безне ут булмау гына куркытмый. Моннан яманракларын да кичердек, хәзер дә түзәрбез», - дип искәрткән Михаил Развожаев.

news_right_1
news_right_2
news_bot