Чаллыда кибет янында машина бәрдергән 6 яшьлек кызны хастаханәгә озатканнар
Скопировать ссылку
Чаллыда кибет янында машина бәрдергән 6 яшьлек кызны автокаланың Кама балалар медицина үзәгенә алып киткәннәр. Бу хакта шәһәр Дәүләт автоинспекциясе хәбәр итә.
Хокук сакчыларының мәгълүматларыннан күренгәнчә, юл-транспорт һәлакәте 28 июньдә көндез Алиш урамындагы 43нче йорт каршында булган. «Лада Веста» автомобиленең йөртүчесе кызны бәрдереп киткән, нәтиҗәдә ул төрле тән җәрәхәтләре алган. Баланы ашыгыч ярдәм машинасында хастаханәгә озатканнар.
«Юл-транспорт һәлакәтендә катнашучыларның авариядә ни дәрәҗәдә гаепле булуы административ тикшерү барышында ачыкланачак», - диелә хәбәрдә.