Ставрополь краенда автобус катнашындагы авариядә алты кеше һәлак булган, 28е зыян күргән
Скопировать ссылку
Узган төндә Ставрополь краеның Железноводск шәһәренең Иноземцево бистәсендә алты кешенең гомерен өзгән юл-транспорт һәлакәте булган. Бу хакта ТАСС агентлыгы хәбәр итә.
Грузиядән Мәскәүгә килүче Setra автобусының йөртүчесе «КамАЗ» белән бәрелешкән, шуннан соң юл читенә төшеп киткән. Салонда 47 кеше булган. Авария нәтиҗәсендә 28 кеше, шул исәптән 11 бала һәм яшүсмер хастаханәгә озатылган. Якынча мәгълүматлар буенча, пассажирларның барысы да диярлек – Грузия гражданнары.
Иминлек таләпләренә җавап бирми торган хезмәтләр күрсәтү маддәсе буенча җинаять эшләре кузгатылган.