Җәмгыять 23 июнь 2022 12:45

Шешә ватыкларына егылып бер литр кан югалткан баланы Казан хастаханәсендә коткарганнар

Скопировать ссылку

Татарстанның Балалар республика клиник хастанәсендә шешә ватыкларына егылган баланы коткарганнар.

Әлеге хәл республика районнарының берсендә урамда йөргәндә булган. Бала егылган, ә ватылган шешә кыйпылчыклары кулдагы артериягә зыян китергән. Бала бер литр канын югалткан. Аны ашыгыч рәвештә Балалар республика клиник хастаханәсенә китергәннәр. Балалар хирургы Анатолий Фадеев җитәкчелегендәге бригада пациентка операция ясаган. Бу турыда клиникада сөйләделәр.

Алар баланың гомерен саклап калган, табиблар кирәкле дәвалау чаралары комплексын ясаган.

«Республика сәламәтлек саклау хезмәткәрләренең җайга салынган эше кыска вакытта балага медицина ярдәме күрсәтү мөмкинлеге бирде», - диделәр Балалар республика клиник хастаханәсендә.

Сәхифәләр

Шешә ватыкларына егылып бер литр кан югалткан баланы Казан хастаханәсендә коткарганнар