Сергиев Посад шәһәрендә татар рәссамнары һәм артистларының күргәзмәсе эшли башлый
Чараны театральләштерелгән "Сөембикә" музыкаль-шигъри программасы ачып җибәрәчәк.
Скопировать ссылку
(Казан, 14 июнь, "Татар-информ"). Бүген, ягъни 14 июнь көнне, Мәскәү янындагы Сергиев Посад шәһәрендә татар рәссамнары һәм артистларының "Сөембикә" исемле күргәзмәсе ачыла. Бу хакта "Сергиевград" сайты хәбәр итә.
Күргәзмә ачылу тантанасында Щелково һәм Сергиев Посад районнары иҗат коллективлары, Татарстан иҗат төркемнәре, балет артистлары чыгыш ясаячак. Шулай ук "Сөембикә" мюзиклыннан өзекләр яңгыраячак.
Чараны театральләштерелгән "Сөембикә" музыкаль-шигъри программасы ачып җибәрәчәк.
Күргәзмәдә Мәскәүдә яшәүче рәссам Илгиз Хановның эшләрен һәм аның "Татар гүзәле" рәсем графикасын, Казан рәссамы Мәдинә Мәхмүтованың курчаклар коллекциясен күрергә мөмкин булачак.
