Сергей Собянин Мәскәү мэрын сайлауда 76,39 процент тавыш җыеп, җиңү яулады
Россия башкаласы җитәкчесе Сергей Собянин Мәскәү мэрын сайлауда 76,39 процент тавыш җыеп, җиңү яулады. Әлеге мәгълүматларны Россия Үзәк сайлау комиссиясе игълан итте.
«Собянин Сергей Семенович, тавышлар саны— 2 499 114, 76,39 процент», — диелгән тавыш бирү нәтиҗәләре таблицасында.
Икенче урында — КПРФ кандидаты Леонид Зюганов (Мәскәү шәһәр Думасы депутаты һәм партия лидеры Геннадий Зюгановның оныгы), ул 8,11 процент тавыш җыйган (аны 265 374 сайлаучы хуплаган).
ЛДПРдан Дәүләт Думасы вице-спикеры Борис Чернышов 183 529 тавыш җыйган — 5,61 процент, «Яңа кешеләр» партиясеннән вице-спикер Владислав Даванковка 174 869 тавыш биргәннәр — 5,34 процент, «Гадел Россия — Патриотлар — Хакыйкать өчен» партиясеннән кандидат (Дәүләт Думасына фракция рәисенең беренче урынбасары) Дмитрий Гусев 128 704 тавыш алган — 3,93 процент.