Сергей Безруков Казанны һәм Татарстанны яратуын әйтте
Скопировать ссылку
Бүген ТР башкаласы мэриясендә узган эшлекле дүшәмбе киңәшмәсендә Россиянең халык артисты, театр һәм кино актеры, режиссер Сергей Безруков Казанны һәм Татарстанны яратуын белдерде.
«Мин Татарстанга сокланам. Дөресен генә әйткәндә, мин әле дә Татарстанның халык артисты булмавыма гаҗәпләнәм. Янәшәдәге Башкортстанда миңа халык исемен бирделәр. Татарстанда әлегә юк», - дип шаяртты актер.
Безруков Татарстанның кунакчыллыгы белән аерылып торуын әйтте.
«Мине бөтен җирдә шатланып каршы алалар. Ләкин Казанда бигрәк тә. Шуңа күрә мин бик теләп Казанга һәм Татарстанга булган мәхәббәтемне белдерәм. Тагын да ешрак килермен дип өметләнәм», - дип йомгаклады Безруков.