Сердар Бердымөхәмәдов: Төрекмәнстән өчен гуманитар өлкәдә хезмәттәшлек мөһим

Скопировать ссылку

Төрекмәнстан гуманитар өлкәдә халыкара хезмәттәшлеккә, шул исәптән эмигрантлар һәм гражданлыгы булмаган кешеләр проблемаларын хәл итүгә зур әһәмият бирә. Бу хакта Төрекмәнстан Президенты Сердар Бердымөхәмәдов «аутрич»/«БРИКС плюс» форматындагы XVI БРИКС саммитының беренче пленар утырышында белдерде.

«Соңгы елларда Төрекмәнстан бу мәсьәләләрдә Берләшкән Милләтләр Оешмасы, Ислам хезмәттәшлеге оешмасы, махсуслаштырылган институтлар белән яхшы элемтәләр урнаштырды. Бу милли дәрәҗәдә сизелерлек уңай нәтиҗәләргә китерде. Без башка илләр белән тәҗрибә һәм гамәли эшләнмәләр белән уртаклашырга әзер», - диде ул.

Бердымөхәмәдов фикеренчә, циркуляр икътисадка күчүнең глобаль программасын эшләргә, глобаль энергетик иминлек һәм тотрыклы үсеш буенча альянс төзергә кирәк. Ул шулай ук үсеп килүче илләрнең әһәмиятен арттырырга кирәклеген өстәде. «Монда төп момент дәүләтләрнең фәнни-технологик үсеш дәрәҗәсен тигезләү, цифрлаштыру һәм инновацион стандартлар булырга тиеш», - дип аңлатты Төрекмәнстан Президенты.

Бердымөхәммәдов ассызыклаганча, Төрекмәнстан өчен мәдәния, фән, мәгариф өлкәләрендә хезмәттәшлек мөһим. «Без уртак гамәлләргә әзер», - дип нәтиҗә ясады ул.

#БРИКС

Сәхифәләр

Сердар Бердымөхәмәдов: Төрекмәнстән өчен гуманитар өлкәдә хезмәттәшлек мөһим