Сентябрьнең соңгы көннәрендә Казанда өч температура рекорды куелды
Скопировать ссылку
21 сентябрьдән Казанда берьюлы өч температура рекорды куелды. Республика Гидрометеорология һәм әйләнә-тирә мохитне күзәтү идарәсе мәгълүматлары шуны раслый.
Әйтик, 21 сентябрьдә республикада моннан 86 ел элеккеге рекорд яңартылган. Быел +25,9 градус тәшкил иткән температура теркәлгән, шул ук вакытта бу көн өчен моннан алдагы максимум +25,7 градус булган.
24 һәм 25 сентябрьдә һава температурасы 2015 елдагы максималь күрсәткечләрне уздырган. Метеостанцияләр бу көннәрдә +26,2 һәм +26,1 градус тәшкил иткән температураларны теркәгән.
Искәртеп узабыз, 1 октябрьдә синоптиклар Татарстанда һава температурасы +24 градус тәшкил итәчәген вәгъдә иткән иде.