«Семык» республика бәйрәме 2025 елда Кукмара районында узачак
Скопировать ссылку
Татарстанда киләсе елда «Семык» мари мәдәнияте республика бәйрәмен Кукмара районында уздыру планлаштырыла. Бу хакта Дәүләт Думасы депутаты Анатолий Иванов хәбәр итте.
«Бу бәйрәм өлкән буынга яшьлек елларын искә төшерсен, ә яшьләргә гореф-гадәтләр, йолалар һәм традицияләрне саклау өчен дәрт бирсен», - диде парламентарий Мамадыш районында «Семык» бәйрәмендә.
Семык бәйрәме җәй башлануын аңлата һәм җәйге милли бәйрәмнәр календарен ачып җибәрә. Бу көнне мархүм ата-бабаларны искә алу, көнкүреш, гаилә мәсьәләләрендә иминлек һәм мул уңыш сорау кабул ителгән.