Бүген Татарстанда Украинаның ике пилотсыз очкычын бәреп төшерделәр
Татарстан Республикасы территориясендә Украинаның самолет тибындагы ике пилотсыз очкычы бәреп төшерелде. Тагын ике дрон Кара диңгез акваториясендә юк ителгән. Бу хакта Саклану министрлыгында хәбәр иттеләр.
Һава һөҗүменнән саклану системасы тарафыннан 9.00 сәгатьтән 14.00 сәгатькә кадәр барлыгы дүрт дрон юк ителгән.
Элегрәк Әлмәт районы башлыгы Гүзәл Хәбетдинова пилотсыз очкыч һөҗүме турында хәбәр иткән иде. Аның сүзләренчә, инфраструктура штат режимында эшли, вәзгыять тулысынча контрольдә.
Республикада тугыз сәгать диярлек пилотсыз очкыч һөҗүм итү куркынычы режимы гамәлдә булды. Казан һәм Түбән Кама аэропортлары эшен вакытлыча туктатып торды: Казан аэропортында кертелгән чикләүләр - 05.00 сәгатьтә, ә Бигеш аэропорты өчен 12.14 сәгатьтә гамәлдән чыгарылды.