«Себер йолдызлары» фестивале талантларны җыя
Бәйге татар милли үзәге, Новосибирск мэриясе, мәдәният министрлыгы һәм милли-мәдәни мөхтәрият белән берлектә, 10нчы тапкыр оештырыла.
(Казан, 2 февраль, "Татар-информ"). 13-14 нче апрельдә Новосибирск шәһәрендә «Себер йолдызлары» исемле халыкара татар мәдәнияте фестивале уза. Ул татар милли үзәге, Новосибирск мэриясе, мәдәният министрлыгы һәм милли-мәдәни мөхтәрият белән берлектә, 10нчы тапкыр оештырыла. Бу хакта Бөтендөнья татар конгерссының матбугат хезмәте хәбәр итә.
Конкурс-фестивальгә әлеге төбәкнең иҗат коллективлары, солистлар чакырыла. Бәйге 4 номинация буенча уза:
вокал-соло (дуэт), ансамбль, хор белән җырлау
бию-соло (дуэт), төркем белән бию
инструменталь музыка — соло (дуэт), ансамбль, оркестр
нәфис сүз
1нче тур урыннарда үткәрелә.
2нче тур 2019 елның 13 апрелендә Новосибирск шәһәрендәге Г. Заволокин исемендәге мәдәният йортында 10-18 сәгатькә кадәр узачак. 14 апрельдә М. Горкий исемендәге мәдәният йортында 10-12 сәгатькә кадәр үткәрелә.
Гала-концерт 14 апрельдә (14-16 сәгать) шулай ук М. Горкий исемендәге мәдәният йортында оештырыла. Контакт өчен телефоннар: 8(383) 278-33-22, ravza@ngs.ru Cораулар белән Новосибирск өлкә татар мәдәни үзәгенә мөрәҗәгать итәргә мөмкин.