Җәмгыять 3 март 2017 11:18

Себер территориясендәге барсларны санаячаклар

Дөньякүләм кыргый табигать фонды быел алар яшәгән территорияләрнең иң зур өлешен тикшерәчәк.

Скопировать ссылку

(Казан, 3 март, «Татар-информ»). Бурятия, Алтай һәм Тувада барслар (ирбис, чуар юлбарыс) һәм кыргый кәҗәләрне санаячаклар, дип яза “Известия”. Соңгыларын барслар аулый. Дөньякүләм кыргый табигать фонды быел кызыл китапка кертелгән бу хайваннар яшәгән рекордлы мәйданны тикшерергә тели.

Максат – ирбисның төгәл санын билгеләү, нинди хәлдә яшәүләрен күрү. Тикшеренү нигезендә алар бу сирәк очрый торган хайваннарны саклау чараларын яхшыртырга уйлый. Март ахырына барлык территориядән мәгълүмат җыелып алынырга тиеш, ә нәтиҗәләрне апрельдә хәбәр итәчәкләр.

Шул ук вакытта, ИА FlashSiberia мәгълүмат агентлыгы хәбәр иткәнчә, барсларга иң зур куркыныч браконьерлардан яный. Еш кына бу ерткычлар кечкенә Кабарга боланына куелган ауга эләгә. Дөньякүләм кыргый табигать фонды мәгълүматларына караганда, соңгы 16 елда барслар саны 20 процентка кимегән. Россиядә аларның саны тотрыклы - 70-90 зат.

Ил белгечләре планетадагы иң зур песи тормышын өйрәнүгә дә зур игътибар бирә. Ул барсларның бер төре. “Известия” язганча, алар иң күбе Алтайда яши. Биредә аларны махсус GPS фотоаулар ярдәмендә күзәтәләр. Биосфера тыюлыгында куелган бу җайланмалар сурәткә эләккән кыргый песи фотоларын җибәреп бара.

#барс #җәнлек #Кызыл китап

Сәхифәләр

Себер территориясендәге барсларны санаячаклар