Фән һәм мәгариф 31 май 2021 20:43

Мәктәпләрдә өй эшләрен тикшерү автоматлаштырылачак

Бөтен Россия территориясендә сыйфатлы белем алу өчен тигез шартлар тудыру максаты куелган.

Скопировать ссылку

(Казан, 31 май, «Татар-информ», Дарья Сәйфиева). Россиядә цифрлы белем бирү мохитен кертү ярдәмендә мәктәпләрдә өй эшләрен тикшерү процессын автоматлаштыралар. Бу хакта Россия Мәгариф министрлыгына сылтама белән ТАСС хәбәр итә.

Профильле ведомство укытучыларга кәгазь эше буенча йөкләнешне сизелерлек киметергә өметләнә. Электрон платформада өй эшләре автомат рәвештә тикшереләчәк.

Моннан тыш, цифрлы белем бирү мохите ярдәмендә һәр бала, сыйныф һәм мәктәп буенча автомат рәвештә хисаплар төзеләчәк. Ул һәр укучы өчен индивидуаль укыту планын да төзергә рөхсәт итәчәк.

Мәгариф министрлыгы матбугат хезмәте хәбәр иткәнчә, 2020 елның ахырында РФ Премьер-министры Михаил Мишустин илнең төбәкләрендә 2020 елның 10 декабреннән 2022 елның 31 декабренә кадәр цифрлы белем бирү мохитен кертү буенча эксперимент үткәрелүен искәртте. Бөтен Россия территориясендә сыйфатлы белем алу өчен тигез шартлар тудыру максаты куелган.

Сәхифәләр

Мәктәпләрдә өй эшләрен тикшерү автоматлаштырылачак