Менделеевск мәгариф оешмаларының дистанцион укуга күчү әзерлеген тикшерделәр

Менделеевск мәгариф оешмаларының әлеге күчүгә әзерлеген Татарстанның мәгариф һәм фән министры Рәфис Борһанов бәяләп китте.

(Менделеевск, 30 март, «Татар-информ», «Менделеевск яңалыклары», Евгения Кожевника). Менделеевск укучылары дистанцион укыячак. Студентлар мондый форматта белем ала инде. Район мәгариф оешмаларының мондый уку алымына әзерлеген тикшерделәр. Бу турыда район басмасы хәбәр итә.

Менделеевск мәгариф оешмаларының әлеге күчүгә әзерлеген Татарстанның мәгариф һәм фән министры Рәфис Борһанов бәяләде. 3нче мәктәптә аңа ресурсларны күрсәттеләр һәм дистанцион укуның ничек алып барылачагын сөйләделәр.

Яңа форматка күчү укытучыларга эшне бераз арттыра, ләкин, мәктәп директоры Евгений Ямщиков фикеренчә, бу яңа сервисларны тиз арада үзләштерү кирәклеге белән бәйле.

Җитәкче сүзләренчә, мондый алым белән укуның үз өстенлекләре бар. Мәсәлән, реаль вакытта һәр конкрет укучыга күбрәк вакыт бирелә.

«Сораулар туачак, билгеле. Әмма безнең барысын да тестлаштырырга вакыт булачак. Укытучылар моның белән мәшгульләр. Уңай ягы шунда, балалар хәбәрдар һәм әлеге вакыйгаларга әзер», дип аңлатма бирде министр.