Рөстәм Миңнеханов «Ел студенты-2021» премиясен тапшыру тантанасында катнашырга мөмкин

(Казан, 28 октябрь, «Татар-информ», Арсений Кәримов). Татарстан Республикасы Президенты Рөстәм Миңнеханов «Татарстан Республикасының ел студенты — 2021» премиясенең Гран-при иясен бүләкләү тантанасында катнашырга мөмкин.

Тантана 25 гыйнварда «Пирамида» мәдәни-күңел ачу комплексында узачак. Бу хакта «Татар-информ» мәгълүмат агентлыгы корреспондентына премиянең башкарма директоры Камалетдин Бобохонов сөйләде.

«Без Татарстан Президенты Рөстәм Миңнехановны бүләкләү тантанасында көтәбез», — диде ул.

«Ел студенты» премиясе Татарстанда уналтынчы тапкыр уза. Җиңүчеләр тугыз шәхси һәм сигез коллектив номинациядә билгеләнәчәк.