Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның ике мәктәбе җитәкчесе «Россия ел директоры» финалында катнаша
Портфолио һәм онлайн-тест өчен максималь балл җыйган 30 кеше финалга чыкты.
(Казан, 28 сентябрь, «Татар-информ»). Татарстаннан «Иннополис лицее» директоры Надежда Сулимова һәм Лаеш районының «Имәнкискә урта гомуми белем бирү мәктәбе»нең директоры Алия Шәймөхәммәтова «Россия ел директоры» бөтенроссия һөнәри конкурсы финалында катнаша.
Татарстан Мәгариф һәм фән министрлыгы матбугат хезмәте хәбәр иткәнчә, конкурсның финалына 21 төбәк вәкиле чыкты. Портфолио һәм онлайн-тест өчен максималь баллар җыйган 30 кеше финалда катнаша. Финал сынаулары 5 октябрьдә Мәскәү өлкәсендә башлана.
Финалга чыгучылар арасында Санкт-Петербург, Екатеринбург, Новосибирск, Мәскәү, Самара, Төмән, Белгород, Түбән Новгород, Ростов, Орлов, Иркутск, Калуга, Липецк, Иваново, Калининград өлкәләре, Краснодар, Камчатка крайлары, Төньяк Осетия-Алания һәм Хакасия вәкилләре бар.
Конкурсны Россия Мәгариф министрлыгы гамәлгә куя, оператор — Мәгарифне үстерүнең яңа формалары фонды.
«Россия ел директоры» бөтенроссия һөнәри конкурсы гомуми белем бирү оешмаларының иң талантлы һәм нәтиҗәле җитәкчеләрен ачыклауга, мәгариф өлкәсендә дәүләт сәясәтен уңышлы гамәлгә ашыручы педагоглар коллективы лидеры буларак хәзерге заман директорының образын ныгытуга юнәлтелгән.
2021 елдан ул Мәгариф министрлыгы тарафыннан гомуми белем бирү системасында идарәче кадрларның киңкүләмле һөнәри конкурсы буларак яңартылды һәм ел саен илнең барлык төбәкләреннән иң яхшы кадрларны сайлап алып һәм дәүләт кадрлар белән идарә итү резервын ныгытачак, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз