Татарстанда яңа уку елына мәктәпләрне әзерләү мәсьәләләре буенча кайнар линия эшли башлый

Җаваплы министрлык һәм идарә тармагы вәкилләре ата-аналарның сорауларына җавап бирәчәк.

(Казан, 28 август, «Татар-информ»). Сишәмбе, 29 августа, 10.00-14.00 сәгатьләрдә Россия Федерациясе Президентының кабул итү бүлмәсендә урта гомуми белем бирү учреждениеләрен яңа уку елына әзерләү мәсьәләләре буенча кайнар линия эшләячәк. Бу хакта Татарстан Республикасы буенча баш федераль инспектор аппараты матбугат хезмәтеннән хәбәр иттеләр.

Татарстан халкы (843) 221-80-38 кайнар линия номеры буенча Татарстан республикасы Мәгариф һәм фән министрлыгы, Эчке эшләр министрлыгы, Гражданнар оборонасы эшләре һәм гадәттән тыш хәлләр министрлыгы һәм Роспотребнадзорның Татарстан буенча идарәсе вәкилләренә сорауларын бирә алачак.