Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Башҡортостан уҡытыусыһы» журналы үзенең 100 еллыгын бәйрәм итә
Инде бер гасыр дәвамында педагогик басма мөгаллимнәрнең чын мәгънәсендә өстәл китабы булып тора.
(Казан, 28 февраль, «Татар-информ»). Уфада иҗтимагый-педагогик һәм фәнни методик «Башҡортостан уҡытыусыһы» («Учитель Башкортостана») журналы чыга башлауга 100 ел тулды. Бу хакта «Башинформ» агентлыгы хәбәр итә.
Журналның беренче саны «Мәғариф эштәре» («Дела просвещения») дигән исем белән 1920 елның февралендә чыккан. 1924 елдан - «Белем» («Знание»), 1931 елдан «Культура революцияһы» («Культурная революция») дигән исемнәр белән нәшер ителгән. Хәзерге исеме белән 1936 елдан чыга башлаган.
Журнал тәүге саннарыннан ук үз адресаты – укытучыларга тугры хезмәт итә. Инде бер гасыр дәвамында педагогик басма мөгаллимнәрнең чын мәгънәсендә өстәл китабы булып тора.
«Россия Федерациясендә мәгариф турында», «Россия Федерациясе халыклары телләре турында», «Башкортстан Республикасында мәгариф турында», «Башкортстан Республикасы халыклары телләре турында»гы законнар, «Мәгариф», «Фән» илкүләм проектларын һәм дәүләт программаларын гамәлгә ашыру, федераль дәүләт стандартларын кертү, мәктәпкәчә, гомуми, һөнәри һәм өстәмә белем бирүне модернизацияләү - «Башҡортостан уҡытыусыһы» («Учитель Башкортостана») журналының даими игътибар үзәгендә.
Басма республикада абунәчеләр саны буенча лидер һәм Россия Федерациясендә язмаларны тугыз телдә тәкъдим итә торган бердәнбер журнал санала, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз