Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда физкультурадан республика олимпиадасы җиңүчеләре билгеле
Казан, Чаллы һәм Татарстанның 16 районыннан килгән 85 укучы призер булды.
(Казан, 28 гыйнвар, «Татар-информ»). 24-27 гыйнварда Республика олимпиада үзәгенең «Дуслык» сәламәтләндерү-белем бирү комплексында Татарстанның 7-8 сыйныф укучылары арасында физик культура буенча республика олимпиадасының йомгаклау этабы үткәрелде.
Җиңүчеләр:
- Илзат Хуҗин, Саба районы Сәләтле балалар өчен аерым фәннәрне тирәнтен өйрәнүче урта гомуми белем бирү интернат-мәктәбенең 8 сыйныф укучысы;
- Маргарита Панина, Яр Чаллы шәһәренең 26 нчы гимназиясенең 8 сыйныф укучысы.
Казан, Чаллы һәм Татарстанның 16 районыннан 85 укучы призер булды. Алар Азнакай, Актаныш, Арча, Бөгелмә, Алабуга, Зәй, Яшел Үзән, Кукмара, Лаеш, Мамадыш, Мөслим, Түбән Кама, Саба, Сарман, Теләче, Ютазы районнарыннан. Бу турыда Татарстан Мәгариф һәм фән министрлыгы хәбәр итте.
Олимпиадада республиканың 41 муниципаль районыннан, шулай ук Казаннан һәм Чаллыдан 153 укучы катнашты.
Физик культура буенча олимпиада 2 турда узды. Беренче көнне балалар теоретик тур биремнәрен язмача башкардылар. Икенче практик тур олимпиадада катнашучылар тарафыннан җиңел атлетика буенча гимнастик күнегүләр һәм нормативларны үтәделәр.
Олимпиадада Идел буе физик культура, спорт һәм туризм университетыннан һәм Казан энергетика университетыннан жюри эшләде, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз