ТДГПУның соңгы 5 ел эчендәге эшчәнлегенә уңай бәя бирелгән

Мәгариф һәм фән өлкәсендә күзәтчелек буенча федераль хезмәт фәрманы буенча, Татар дәүләт гуманитар-педагогика университетында тикшерү уздырылган

(Казан, 26 декабрь, “Татар-информ”). Мәгариф һәм фән өлкәсендә күзәтчелек буенча федераль хезмәт фәрманы буенча, 22-25 декабрь көннәрендә Татар дәүләт гуманитар-педагогика университетының соңгы 5 ел эчендәге эшчәнлегенә комплекслы бәя бирү процессы оештырылды, дип хәбәр итә югары уку йортының матбугат хезмәте. Кичә Мәгариф һәм фән өлкәсендә күзәтчелек буенча федераль хезмәтнең лицензияләү бүлеге башлыгы А. Грузков рәислегендә ТДГПУ Гыйльми Советының киңәйтелгән утырышы узган. Бәя бирү комиссиясе әгъзалары тикшерүнең нәтиҗәләрен җиткергән.
Комиссия вәкилләренең рәсми йомгаклау документларынннан күренгәнчә, ТДГПУ ның төрле юнәлешләр буенча эшчәнлеге, Россия Федерациясе университетларына куелган таләпләргә җавап бирә.