Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Туган телдә белем бирүче иң яхшы егерме мәктәп һәм балалар бакчасы билгеләнгән
Бүген белем бирү оешмалары җитәкчеләрен Дәүләт Советында бүләкләделәр.
(Казан, 25 ноябрь, «Татар-информ», Гөлнар Гарифуллина). Татарстанда туган телдә белем бирүче иң яхшы егерме мәктәп һәм балалар бакчасы билгеләнгән. Бу хакта ТР Дәүләт Советында бәйге нәтиҗәләре буенча иң яхшылары дип ачыкланган белем бирү оешмаларын бүләкләү тантанасында Татарстанның мәгариф һәм фән министры Илсур Һадиуллин хәбәр итте.
Конкурска барлыгы 93 мәктәп, 104 балалар бакчасыннан гаризалар кабул ителгән булган. «Комиссия әгъзалары, экспертлар танышып, үз фикерләрен әйттеләр. Рейтинг төзелде», — диде Илсур Һадиуллин.
Министр туган телләргә өйрәтү көн кадагындагы мәсьәлә булуын искәртте. «Ата-ана баласының тормышында туган телнең никадәр мөһим икәнен аңласын өчен, милли мохит, телебезнең кулланыш даирәсе булу мөһим», — диде.
Җиңүгә ирешкән белем бирү учреждениеләре барысы да 500 мең сум күләмендә премия белән бүләкләнде.
Кызыклы яңалыкларны күзәтеп бару өчен Телеграм-каналга язылыгыз