Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Милли мәгариф бүлеге: Татар теле сәгатьләре артсын дигән мөрәҗәгатьләр килә
«Татар теле дәресләрен кызыклы итү, укучыларның дәрескә килү теләге зур булсын өчен хәзер күп эшләнә», — дип белдерде Энҗе Гыйззәтуллина.
(Казан, 25 февраль, «Татар-информ», Гөлнар Гарифуллина). Татарстан Мәгариф һәм фән министрлыгының милли мәгариф бүлеге җитәкчесе Энҗе Гыйззәтуллина халыктан «татар теле сәгатьләре артсын иде» дигән мөрәҗәгатьләр килүен әйтте.
Аның сүзләренчә, татарча укытуга каршы чыгучыларга караганда, «татар телен тирәнрәк өйрәнәсе килә» дигән мөрәҗәгатьләр күбрәк.
«Татар теле дәресләрен кызыклы итү, укучыларның дәрескә килү теләге зур булсын өчен хәзер күп эшләнә. Яңа программалар эшләнде, яңа дәреслекләрдә күбрәк коммуникатив технологияләргә өстенлек бирелә. Сөйләшергә өйрәтү беренче планга чыга», — диде Энҗе Гыйззәтуллина.
Ул «Сәлам» дәреслеге белән укучыларның канәгать булуын искәртте. «Чыннан да укучыларга ошый, өйләренә кайтып, „кызык“ дип сөйлиләр. Ата-аналарга баласының яратып сөйләве ошый», — дип белдерде милли мәгариф бүлеге җитәкчесе.
Кызыклы яңалыкларны күзәтеп бару өчен Телеграм-каналга язылыгыз