Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алексеевскида милли мәктәп базасында туган телләрне саклау хакында сөйләштеләр
Васил Шәйхразиев Зур Тигәнәле милли мәгариф үзәге үрнәген башка районнарга да таратырлык булуын әйтте.
(Казан, 23 июль, «Татар-информ», Эльза Кузнецова). Татарстан Республикасы Премьер-министры урынбасары, Бөтендөнья татар конгрессы Милли шура рәисе Васил Шәйхразиев Алексеевск районында булды. Ул район җитәкчелеге белән очрашты һәм районның милли мәктәпләре базасында туган телләрне саклау мәсьәләләре хакында фикер алышты. Бу хакта «Таң» газетасы яза.
Кунаклар Зур Тигәнәле һәм Чишмә мәктәпләрендә булды, анда балалар татар, мордва һәм чуваш телләрендә белем ала. Муниципаль берәмлек җитәкчесе Сергей Демидов искәрткәнчә, районның милли мәктәпләре — аерым горурлык, чөнки бердәмлекне һәм конфессияара татулыкны тәрбияләүдә милли мәгариф өлеше мөһим роль уйный.
«Мәгарифнең уңышы педагогик кадрлар белән билгеләнә. Шуңа күрә Зур Тигәнәле авылында милли мәгариф үзәген төзү һәм гамәлгә кертү туган телләрне саклау буенча һәр көн алып барган эшебездә уртак җиңүебез булды», — диде район башлыгы.
Васил Шәйхразиев телне «әйе-юк-рәхмәт» дәрәҗәсендә генә өйрәнергә кирәкми, баланы ата-ана телендә фикер йөртергә һәм үз фикерләрен дөрес сөйләм ярдәмендә белдерергә өйрәтү мөһим, диде.
«Бүген Зур Тигәнәле мәктәбендә күргәннәребез — республиканың башка районнарына да таратырлык үрнәк: менә дигән база, үз эшләре өчен янып торган педагоглар, бәхетле балалар. Бу яхшы үрнәк», -дип өстәде вице-премьер.
Элегрәк «Татар-информ» Шәйхразиевның Югары Ослан районында Туган телләр елы мәсьәләләре буенча зона киңәшмәсендә катнашуы хакында хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз