Татарстанның 5 мәктәбе укучыларының конкуренциягә сәләтлелеге буенча топ-100гә керде

Россиянең иң яхшы 100 мәктәбе исемлеген RAEX рейтинг агентлыгы әзерләде.

(Казан, 22 апрель, «Татар-информ»). Татарстанның биш мәктәбе чыгарылыш сыйныф укучыларының конкуренциягә сәләте буенча Россиянең 100 мәгариф учреждениесе исемлегенә керде. Исемлек RAEX («РАЭКС-Аналитика») рейтинг агентлыгы тарафыннан төзелгән.

Иң яхшы мәктәпләр исемлегенә RAEX рейтингыннан укучылары Россия югары уку йортларына укырга керүче мәгариф учреждениеләре кергән.

Исемлектә Казанның 131нче лицее - 36нчы, КФУның IT-лицее – 53нче, КФУның Н. И. Лобачевский исемендәге лицее - 54нче, Казанның 2нче лицее 76нчы урында тора.

Татарстанның Казаннан читтә урнашкан бердәнбер мәктәбе - Әлмәтнең 2нче лицее исемлектә 95 нче позициядә урнашкан.

«RAEX топ-100 рейтингында талантлы балалар белән эшләүгә юнәлдерелгән мәктәпләр саны арта. Мондый элиталы уку йортлары һәркем өчен булган мәктәпләрне икенче планга чыгара», - дип китерә RAEX рейтинг агентлыгы генераль директоры Дмитрий Гришанковның сүзләрен КФУ матбугат хезмәте.