Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада «Беренче укытучы» һәйкәлен куярга җыеналар
Һәйкәл концепциясен ясау өчен Мостай Кәримнең оныгы Тимербулат Кәримовка мөрәҗәгать итәчәкләр.
(Казан, 21 август, «Татар-информ»). Уфада беренче укытучыга һәйкәл куелачак. Шул турыда 21 августта мәгариф хезмәткәрләренең республика август киңәшмәсендә пленар утырышта Башкортстан башлыгы Радий Хәбиров әйтте. Бу хакта «Башинформ» хәбәр итә.
Халык укытучысы Лиза Агадуллина Уфада беренче укытучыга һәйкәл кую тәкъдиме белән чыккан.
«Бүген трибунадан шуны әйтә алам: халкыбызның улы — Мостай Кәримнең оныгы Тимербулат Кәримов бар. Ул Уфада мәдәни мохит булдыруда аерым бер хис белән эшли. Концепция бирсен өчен аңа мөрәҗәгать итәм. Һәм, чыннан да, без аның ярдәмендә бик матур урында һәйкәл куярбыз. Ул шәһәрнең чираттагы бизәге булсын, әмма, беренче чиратта, ул безнең беренче укытучыларыбызга хөрмәт күрсәтү билгесе», — диде республика җитәкчесе.
Кызыклы яңалыкларны күзәтеп бару өчен Телеграм-каналга язылыгыз