news_header_top
Руc Тат
16+
news_header_bot
news_top
Фән һәм мәгариф 20 март 2015 20:56

Кырымда кырымтатар телендә 5 меңгә якын бала белем ала

Украин телендә - 1 мең 990 укучы

Скопировать ссылку

(Казан, 20 март, «Татар-информ»). Кырымда теләгән барча кеше республиканың 3 дәүләт телендә белем алу хокукына ия. Бүген бу хакта Кырым Дәүләт Советында хөкүмәт сәгате барышында республиканың мәгариф һәм фән министры Наталья Гончарова хәбәр итте.

Аның мәгълүматлары буенча, Кырымда 4 мең 740 укучы кырымтатар телендә белем ала, 1 мең 990ы - украин телендә. "Муниципаль белем бирү оешмаларында кырымтатар һәм украин телләрен Кырымның дәүләт телләре рәвешендә укыту һәм өйрәтү башкарыла. Агымдагы елда 2 мең 814 балага исәпләнгән кырымтатар телендә белем бирә торган 15 мәктәп эшли. Кырымтатар телендә белем бирүче сыйныфлар Кырымның 62 мәктәбендә бар, аларда 1 мең 926 укучы исәпләнә. Украин теле фән буларак 142 сыйныфта укытыла - бу 1 мең 990 укучы", - дип аныклап узды министр. К

Кырымда 549 гомумбелем бирү оешмасы исәпләнә, шул исәптән 9 шәхси мәктәп.  

news_right_1
news_right_2
news_bot