Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда капиталь ремонттан соң тагын бер балалар бакчасы ачылды
Бүгенге көндә әлеге балалар бакчасына 237 бала йөри.
(Чаллы, 19 сентябрь, «Татар-информ», «Шәһри Чаллы»). Чаллыда балалар бакчаларын ремонтлау программасы үтәлде. Шушы көннәрдә «Канәфер» 75нче балалар бакчасын ачу тантанасы узды.
Капиталь ремонтны «Евростиль» компаниясе төзүчеләре башкарды. Бакча 43 ел элек төзелгән, бу вакыт эчендә биредә капиталь ремонт үткәрелмәгән.
Балалар бакчасы мөдире Айгөл Ногманова мэрга ремонтка кадәр һәм ремонттан соң барлыкка килгән аерымлыкларны чагылдыручы фотографияләрне күрсәтте.
Бүгенге көндә әлеге балалар бакчасында 237 бала шөгыльләнә, шул исәптән өч яшькә кадәрге 25 бала һәм 3 яшьтән 7 яшькә кадәрге 212 бала. 12 төркем формалаштырылган, шуларның өчесе — санатор төркем. «Канәфер» балалар бакчасында тәрбияләнүчеләр атнага өч тапкыр бассейнга йөри.
«Бүген шәһәребездә күңелле вакыйга, без яңа балалар бакчасы ачабыз дип әйтсәк тә була. Быел без мәгариф өлкәсенә 5 млрд сумга якын акча юнәлдердек. Быел үзенчәлекле рекорд куйдык — ике мәктәп төзелде. Гомумән алганда, соңгы алты елда 6 мәктәп, 20 яңа балалар бакчасы төзелде», — дип искә төшерде шәһәр мэры Наил Мәһдиев.
Шәһәр хакиме ТР Президенты Рөстәм Миңнехановка иске биналар проблемаларын хәл итә торган, ремонтлар алып бару республика программасын гамәлгә ашыруы өчен рәхмәтен белдерде. Шулай ук биредә шәһәр бюджетыннан 3 млн 855 мең сумлык җиһазлар сатып алынган.
Тантаналы ачылыш барышында мэр әлеге балалар бакчасында тәрбияләнүче Виктория Абдуллинаны «Эколята — друзья и защитники Природы!» Бөтенроссия конкурсында җиңүе белән тәбрикләде.
Кызыклы яңалыкларны күзәтеп бару өчен Телеграм-каналга язылыгыз