БДИ биремнәре вариантлары һәркемгә индивидуаль булачак

Бу яңалыклар күчерү проблемасын бетерергә ярдәм итәчәк.

(Казан, 19 июнь, «Татар-информ»). Бердәм дәүләт имтиханы һәм Төп дәүләт имтиханы биремнәренең вариантлары индивидуаль булачак. Шул хакта Хөкүмәтнең мәгариф өлкәсендәге сәясәт турында Федераль Җыенга булган докладында әйтелә. Бу хакта «Известия» яза.

БДИ һәм ТДИ компьютер формасына күчәчәк, бу автомат рәвештә шәхси вариантлар булдырырга мөмкинлек бирәчәк.

Үзгәрешләр күчерү проблемасын хәл итәргә ярдәм итәр дип көтелә.

Экспертлар фикеренчә, мондый технологияләр шулай ук мәктәп олимпиадаларын үткәргәндә дә кулланыла ала.