Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда яшь укытучыларны мәктәпләрдә калдыру буенча кызыксындыру чаралары эшләнде
Юл картасы нигезендә, педагогларга һөнәри юнәлеш бирү, остазлык институтын үстерү һәм кызыксындыру чараларын күздә тоту планлаштырыла.
(Казан, 17 июль, «Татар-информ»). Татарстанда яшь педагогларны мәктәпләргә беркетү буенча юл картасын кабул иттеләр. Аны үтәү укытучыларның мәктәп коллективларында адаптация срокларын киметүгә китерәчәк дип саный партиянең «Яңа мәктәп» проекты координаторы Асия Тимирясова. Бу хакта «Бердәм Россия» партиясенең Татарстан бүлеге сайтында хәбәр ителә.
Юл картасы нигезендә, республикада педагогларга һөнәри юнәлеш бирү һәм аларның хезмәтен популярлаштыру буенча тулы бер чаралар комплексы үткәрү планлаштырыла.
«Педагог белеме алучы студентларның киләчәктә эшкә урнашачак оешмалар белән үзара хезмәттәшлегенең төрле вариантлары, шул исәптән практика, виртуаль экскурсияләр, презентация һ.б. планлаштырылган», — диелә хәбәрдә. Моннан тыш, яшь укытучылар методик берләшмәләр эшендә катнашачак.
Тимирясова фикеренчә, илкүләм проектлар һәм республика максатчан программалары ярдәмендә Татарстанда социаль һәм мәгариф инфраструктурасы сизелерлек яхшыра. «Тормыш һәм һөнәри уңайлылык факторы, талантлы педагогларга грант ярдәме күрсәтү программаларының күп булуы яшь укытучыларның карьера өметләрен акларга мөмкинлек тудырачак һәм аларны үзләрен иҗади яктан ачуга стимул бирәчәк», — диде ул.
Элегрәк «Татар-информ» Татарстанда авыл җирендә яшәүче һәм эшләүче мәктәп директорлары һәм аларның урынбасарларының коммуналь чыгымнары компенсацияләнәчәк, дип хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз