Апас аграр көллиятенә яңа тегү машиналары кайтты

Тиздән биредә укучы кызлар тегү серләренә дә өйрәнә башлаячак.

(Апас, 16 сентябрь, «Татар-информ», «Апастово-информ»). Апас аграр көллияте көннән-көн яңара, төзекләнә, матурлана. Биредә яшьләргә тормышта кирәкле һөнәрләр бирү өчен тырышалар.

«Әле менә көллиятебезгә яңа тегү машиналары да кайтты. Барлыгы 18 тегү машинасы, ике үтүкләү тактасы һәм заманча яхшы үтүк кайтарылды. Тиздән кызлар тегү серләренә дә өйрәнә башлаячак», — дип яңалыгы белән уртаклашты көллият директоры Илгизәр Нигъмәтҗанов.