Әлмәт төбәгендә әхлакый тәрбия буенча семинар узды

Р.Фәхретдин мирасына таянып, укучыларга милли һәм гомумкешелек кыйммәтләре тәрбиялиләр

 (Казан, 16 май, “Татар-информ”). Әлмәт районының Кичүчат авылында дәресләрдән соң чараларда, укучыларга рухи-әхлакый тәрбия бирүгә багышланган семинар узды.
Әлеге уку йортында “Әдәп-әхлак дәресләре” кысаларында татар мәгърифәтчеләре эшчәнлеге, аерым алганда, олуг шәхес Р.Фәхретдин үрнәгендә, аның бай мирасына таянып, мәктәп укучыларында милли һәм гомумкешелек кыйммәтләре тәрбияләү өстенлекле юнәлеш. 2013-2014 уку елы башыннан биредә 5-11 нче сыйныф укучылары арасында әлеге юнәлештә махсус дәресләр оештырылды. Семинар кунаклары әлеге башлангычның беренче нәтиҗәләрен күрергә дип җыелды, дип яза “Әлмәт таңнары” басмасы.