news_header_top
Руc Тат
16+
news_header_bot
news_top
Фән һәм мәгариф 16 апрель 2015 19:13

Энгель Фәттахов “Ел укытучысы-2015” республика конкурсы җиңүчеләрен кабул итәчәк

Әлеге конкурс финалы тәмамланды

Скопировать ссылку

 (Казан, 16 апрель, “Татар-информ”, Миләүшә Низаметдинова). Бүген Казанда “Ел укытучысы-2015” республика конкурсының финал өлеше конкурслары тәмам булды. Дәресләр, мастер-класслар үткәрелеп, күп санлы педагогик совет утырышлары булганнан, мәгариф проектларын яклаганнан соң, хәзерге вакытта укытучылар урнашкан кунакханәләрендә ял итә.

Иртәгә исә сәгать 1 нче яртыда 178 нче Мәгариф үзәге базасында (Казанның 121 нче лицее)  республика конкурсын ябу, җиңүчеләрне тәбрикләү тантанасы була. Шуңа кадәр, 10 нчы яртыда, ТР Премьер-министры – ТР мәгариф һәм фән министры Энгель Фәттахов җиңүчеләрне министрлыкта кабул итә.

“Татар-информ” агентлыгы конкурсны оештыручылардан алган белешмә буенча алдан хәбәр иткәнчә, һөнәри осталык конкурсының зона этапларында җиңгән 45 укытучы, йомгаклау сынауларында үзенең мөмкинлекләрен күрсәтер өчен, 13-17 апрель көннәрендә Татарстан башкаласында финал турын узды. ТР Мәгариф һәм фән министрлыгы, Халык мәгарифе һәм фән хезмәткәрләре профсоюзының республика комитеты тарафыннан уздырылган әлеге конкурсның зона этапларында Татарстанның барлык муниципаль берәмлекләреннән 222 укытучы катнашты.

Искәртеп үтәбез: "Ел укытучысы-2014" Бөтенроссия конкурсында Нурлаттан Алла Головенькова җиңү яулаган иде. Традиция буенча, алдагы конкурс җиңүче шәһәрендә узарга тиеш. Шул рәвешле, республика илкүләм конкурсны үзендә - Казанда октябрьдә кабул итәчәк.

news_right_1
news_right_2
news_bot