Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Минзәлә районы укытучылары арасында иң осталары ачыкланды
Шулай ук «Иң яхшы татар теле һәм әдәбияты укытучысы» конкурсының район этабы җиңүчесе дә билгеләнде.
(Минзәлә, 16 гыйнвар, «Татар-информ», «Минзәлә-информ», Илшат Вагыйзов). Минзәлә шәһәре гимназиясендә 2020-21 елларда Татарстанда «Россиядә ел укытучысы» Бөтенроссия конкурсының муниципаль этабы тәмамланды. Районы укытучылары арасында иң осталарын ачыкланды. Бу турыда район мәгълүмат үзәге хәбәр итә.
«Бүгенге конкурста катнашкан барлык укытучылар да үз һөнәрләренең чын осталары. Без бүгенге җиңүчеләр зона этабында район данын лаеклы яклар һәм алга таба да үтәрләр дип ышанабыз», — диде Минзәлә районы башкарма комитеты җитәкчесе урынбасары Нэля Бикеева.
Аннан соң ул һәм Минзәлә районы мәгариф бүлеге начальнигы Леонид Петраев җиңүчеләрне бүләкләде.
«Дебют» номинациясендә 2нче мәктәпнең рус теле һәм әдәбияты укытучысы Ксения Погорелова җиңде. «Мастер-класс» номинациясендә һәм конкурсның муниципаль этабында 1нче мәктәпнең физика укытучысы Татьяна Муринова җиңү яулады. Район данын зона этабында шулай ук Николаевка мәктәбенең башлангыч сыйныфлар укытучысы Лидия Фуреева да яклаячак.
Шулай ук «Иң яхшы татар теле һәм әдәбияты укытучысы» конкурсының район этабы җиңүчесе дә билгеләнде. Ул 2нче мәктәпнең татар теле һәм әдәбияты укытучысы Ландыш Шәмсетдинова. Калган призерларга да сертификатлар һәм дипломнар тапшырылды.
Кызыклы яңалыкларны күзәтеп бару өчен Телеграм-каналга язылыгыз