news_header_top
Руc Тат
16+
news_header_bot
news_top
Фән һәм мәгариф 14 гыйнвар 2019 19:37

Мәгариф министрлыгы: Балага карата әдәпсез мөгамәлә педагогик әхлакка каршы килә

Министрлык Чаллы мәктәбендә баланы ашханәгә кертмәү очрагына карата үз мөнәсәбәтен белдерде.

Скопировать ссылку

(Казан, 14 гыйнвар, “Татар-информ”). Балага карата булган әдәпсез мөгамәләне Татарстанның Мәгариф һәм фән министрлыгында ярамый торган эш һәм педагог әхлагына каршы килә дип саныйлар. Чаллыда 13 нче мәктәптә педагогларның баланы ашханәгә кертмәү очрагын министрлык “Татар-информ” агентлыгына шулай дип шәрехләде.

“Хәзерге вакытта мәктәптә әлеге хәлнең сәбәпләрен ачыклау буенча хезмәт тикшерүе бара. Тикшерүдән соң тиешле чарарлар күрү өчен карар кабул ителәчәк”, - диделәр ведомствоның матбугат хезмәтендә.

“Россия Федерациясендә белем бирү” турындагы федераль закон буенча педагог хокук, әхлак һәм этика нормаларын сакларга, профессиональ этика таләпләрен үтәргә, укучыларны хөрмәт итәргә тиеш, диделәр министрлыкта.

#чаллыда баланы ашханәгә кертмәгәннәр
news_right_1
news_right_2
news_bot