РИИда “Конфессияара һәм милләтара никахлар: хокукый, социаль, мәдәни һәм көнкүреш аспектлары” дигән темага түгәрәк өстәл уздырыла

Анда катнаш никахлар турында фикер алышу күздә тотыла

 (Казан, 13 апрель, “Татар-информ”). 24 апрель көнне 15.00дә Россия ислам институтында “Конфессияара һәм милләтара никахлар: хокукый, социаль, мәдәни һәм көнкүреш аспектлар” дигән темага түгәрәк өстәл уздырыла. Аны уку йортының дини дисциплиналар кафедрасы оештыра, диелә РИИның матбугат хезмәте хәбәрендә.

Чара кысаларында классик ислам хокукында катнаш никахларның хокукый нормалары, Татарстанда катнаш никахлар, рус-татар, татар-гарәп гаиләләре мисалында катнаш никахларның үзенчәлекләре, ике диндәге гаиләдә исем кушу, бала тәрбияләү һәм сабыйда дини кыйммәтләр, дөньяга караш булдыру һ.б. мәсьәләләр буенча фикер алышу күздә тотыла.